TALMÉN YO SIGA O CALABRE...

 TALMÉN YO SIGA O CALABRE...  

Talmén yo siga o calabre lumero doszientos, amortato

aquera maitinada en a estazión d'o metro, e no sapa güé

ta qué bale a mía bida ni a de denguno, sino

como zibo ta l'odio más terrible entre os ombres.

Talmén cosa no siga o treballo cutián por a bida,

e asurdo siga tener una familia, unas creyenzas, un pasato,

e precurar un esdebenidero millor no tienga sentito, talmén

siga asinas, cuan guaire balura se da á ra bida umana.

Pero pienso que m'amortoron ixe día os olbidatos

de toda ra tierra, os que enduran solo por sobrebibir,

os embadexitos á ra fuerza, os espullatos de tot,

que ers mos trucoron dende a suya inumana pobreza.

Talmén  yo siga un moriu más, una bela en o sulero,

e ro mío calabre una letra solo d'un tristo poema

composato por l'ombre con odio e inchustizia,

cualo funebre sonito á diario s'ascuita en l'aire.

Fabián Castillo, Bombolón Retabillador