En a cuentraportalada d ́o diario “El País” d’o 10 d’ abril de 2023 amanixe un articlo en o que a periodista Carmen Pérez-Lanzac posa esferens custions á Dave Goulson, biologo anglés.
Seguntes se bi siñala, iste biologo ye uno d’ os que mas sape d ́una especie d ́inseuto muito lista, cerruda e rudiosa: os bombolons. (Se veiga por atro costato como curiosament a onomatopeya d’a que dimanan os vocables s ́encierta en aragonés y en anglés: bombolón / bumble bee.)
Dende a suya nineza, Goulson tiene delera por o bombolón anglés. En as zagueras decadas a poblazión de bombolons en Ingalaterra ha iu achiquindo-se dica plegar-ie á estar agora acotolata, por o que o biologo en custión ye embrecato en a luita por tornar a reviscolar ixa especie. Con ixa enchaquia, Dave Goulson ha publicato: “Planeta cutio. As consecuenzias d ́un mundo sin de inseutos “. Bi preba de que alufremos o esdevenidero distopico que s ́ubre deván de nusatros si os inseutos disparixen; alvertindo-ie que millonadas de presonas s ́amortarán por manca de birolla, os países s ́enzarrarán, se crebarán os tratatos internazionals...
 |
| "Casa nuestra" - Bal de Boí Bombolona Naval |
Ta privar que no pleguen ixas calamidatz, no bi ha atro remeyo que protecher as nuestras selvas, e, como ye platero, emplegar menos pesticidas: tot isto ye conoiximiento cientifico.
Saco a relucir iste articlo por o suyo intrés, pero tamién ta que veigaz totz o precisos que semos os bombolons e parez cuenta d ́a honra que fa bomboloniar... e ixo no lo dicimos nusatros...
BOMBOLÓN BUXO
No hay comentarios:
Publicar un comentario