CANTA DENDE O CAYUCO

Negros ababols

flotan sobre l'augua.

Debaxo son os muertos,

dixa-lis que salgan.

Chirons de perello

entre as arambratas.

En a nuei otilan os lupos,

ta que denguno no salga.

Biache sin de bruxula

entre o zielo e a no-cosa.

E a ra fin d'o trayeuto,

muerte e desasperanza.

Ya amán d'una tierra estrania,

ascuitas a ras gabiotas.

E á tu te parixen chilos

d'una muerte que t'aguaita.

Zeprena con rasmia que lebas

á ra tuya muller preñata.

Talmén ta ixe fillo tuyo

sí que bi aiga asperanza.

Negros ababols

flotan sobre l'augua.

Debaxo son os muertos,

dixa-lis que salgan.

FABIAN CASTILLO - BOMBOLÓN RETABILLADOR          

"Contumancias", Playa de los Roques, Tenerife

Bombolona Naval