¿TA O INFIERNO? EN TELEFERICO

 O chusto serba encomenzipiar charrando sobre a balura medioambiental d’os nuestros paisaches, aquels que agún resisten á ra colonizazión d’interpresas que no más encorren benefizios economicos, ya que ixa balura medioambiental e intanchible, ye o que á de ser respetato por denzima de tot. Pero, desgraziadamén bibimos en un mundo capitalista “¡¡ye o mercau amigo!!”, asinas que encomenzipiaré amostrando una ringlera de datos cuantificables ta aquers que no gosan sacar entrega d’a bida sin de mercantilizar-la.

¿Cómo ye posible que dimpués de l’año 2022, un año con a inflazión meya d’o 8.4 %, a más altera dende 1986, a nuestra Deputazión Provinzial, que, anque estiese por a redolada, aberba d’estar conoixedera, d’as carenzias d’a probinzia en custions bitals como salú, educazión, refirmes reyals á ro mundo rural… gose malmeter 34 millons d’euros en estricallar una bal como Canal Roya? “¡¡Ye o mercau amigo!!”.

Os nuestros representans politicos aberban de tener a coderenzia qu’implica a suya posizión, que ye bien luen d’a machanza d’as interpresas pribatas que manullan ista maniobra especuladera, e preocupar-se por o reyalmén importán chestionando os DINERS PUBLICOS con responsabilidá e sentiu común.

“Común”: que perteneixe á totas as presonas u cosas de que se trata u se manifiesta en totas ellas. Foi ficazio en isto porque de bella cosa tan fulera ta ro nuestro patrimonio natural, no más escaparemos de traza coleutiba, como s’ha contrimostrato en esferens puesto d’Aragón, dó s’han organizato azions t’aprebenir e informar d’a que se mos pue benir-ie denzima, ya que a tot iste zirco cal adibir que si a ra fin se fa reyalidá “o suyo suenio cumpliu”, caldrá tornar os diners publicos, e rendir cuentas. O suyo “suenio”, bella cosa que muitas ya, emos calificato como “delito medioambiental” no cumple as condizions qu’implican istos fondos “, que buscan un esbenidero ta ras prosimas chenerazions”.

E talmén de ro colectivo, mos puen fer serbir d’exemplo a unidá e rasmia d’as presonas que biben en a Bal d’a Fueba, tamién menazato por interpresas que tienen a bergüeña de benir-ie ta ro Pirineu Aragonés á disfrazar as enerchias renobables. Fren a atro instrumento especulatibo, as chens que biben a bal tienen muito platero que ban á esfeder os suyos paixaches bibos , e luen d’angluzia que ditas interpresas gosan mudar de “sostenible”.

Reibindiquemos o publico i esfendamos os nuestros paisaches e á ros e ras baliens que los abitan de traza respetuosa e conszien, pese á o ninguneo que leban dezenios sofrindo por parti de qui chestionan os nuestros trebutos.

Luen de l’indibidualismo, que tamién mos gosan bender (porque creyen que aquí tot se puede mercar) i hai un orizón de montañas que son parti esenzial d’a nuestra istoria e d’a nuestra cultura anzestral. Debaixo d’o gudron continan ixos binclos.

Si ascuitamos á Felix Rodriguez d’a Fuen: “Dixen bustés, amigos importans de l’alministrazión, bel rincón ta os poetas, ta os namoraus, que no tot ye bella cosa, que se puede medir con ixe fazil baremo d’a renda per capita, qu’esiste tamién atro baremo, o baremo d’a Belleza”

Testo e imachen: Bombolona Tozolona