GLOBALIZEMOS

Por xerbicadero de terror e amargor l'ombre s'esliza,
pos á o fablar s'oposa a politica de muros.
Atros meten denzima d'a mesa á o martir terrorista,
e de sangre se tinta o muro por os dos laus.

Construigamos solo muros d'aire e de progreso,
autopistas de norte á sur ta chuntar á os pueblos.
Tronadas en o disierto, pero de toleranzia,
e con respeto e parolas conseguir una paz de dura.

No reblar anque o paisache nos se quede bazibo,
e debán á globalizazión d'as terrors,
globalizemos nusotros a paz e a chustizia,
a salú, o treballo globalizemos, l'augua e as simiens.

Si o mundo ye de colors, globalizemos razas,
globalizemos barrando as ringleras mugantes.
Combiban seos e mezquitas, globalizemos dioses,
aimor, cultura e libertá, globalizemos, globalizemos.

Fabián Castillo                              

Bombolón Retabillador                              

...