SIÑO PEDRO¡¡¡¡

 SIÑO PEDRO¡¡¡¡

¿Quí ye Siño Pedro? 

No ye atro que Pedro Arnal Cabero. Uno d’os gran esfensors de l’aragonés en as primeras embueltas d’o sieglo XX. 

Estió naxito ro 12 de marzo de 1884 en Belber de Zinca, an o suyo pai yera mayestro, e ascape marchón t’Alquezra, an se crió. Fazió bachillerato e machisterio en Uesca. Echerzió de mayestro en Artajona (Nabarra), Teruel e dende 1910 en Zaragoza dirichio ro colechio Joaquin Costa, dica ra suya chubilazión. S’amortó en Zaragoza o 27 d’abril de 1962. Ya fan 140 añadas que s’en fue¡

Como mayestro estió un gran referén. Teneba delera por l’amostranza fendo serbir-ie  metodos  adelantatos á ra suya chenerazión. Muito cundidor en a soziedad aragonesa d’a epoca, colaboró con asoziazions de esferens campos: Instituzión “Fernando ro Catolico”, Ateneo, Montañeros d’Aragón, Soziedá Aragonesa de Protezión a os Animals e Plandas, Sindicato de Iniziatiba e Propaganda d’Aragón…

Campando  l’Altoaragón retabilló tradizions, paisaches, trazas de vida, luenga … fendo asinas a suya  colaborazión con o Heraldo d’Aragón muito prolifica. 

En o que pertoca á ras pubicazions alrredol de l’aragonés en tiene belunas, tan importans que son tenitas como referens en importans estudios lingüisticos. Una d’ixas ye o “Vocabulario del Alto-Aragonés (De Alquezar y pueblos proximos)” publicato en l’año 1944, que dica uei en  2024 fa 80 añadas dende a suya pubicazión. E con ista enchaquia no podébanos dexar d’amostrar ista chicorrona pero no por ixo menos importan obra alrredol de l’aragonés.

¿Cómo ye?

Ye una obra curteta, pero de gran balura. L’orichinal tiene 32 pachinas, dende a primera bi mete as dentratas por orden alfabetico, sin denguna introduzión ni prelogo. Son 538  dentratas, de traza de dizionario. Son escritas en aragonés e a esplicazión ye feita en castellano. A primera fa referenzia á os articlos que s’emplegan: “a, as, o, os. La, las, el, los. Artículos determinantes. As llaves d’os güertos, Las llaves de los huertos”. E a zaguera dentrata ye “zurred. Tapon de canilla, jeta o grifo. Es un palo con cáñamo en un extremo para obturar la salida del vino de una cuba o tonel.”

 Podérbanos clasificar-lo en a categoría d’un dizionario etnografico si se para cuenta en as tematica d’as dentratas. Cal remarcar as trazas en que ye feito, beyito dende as trazas autuals no emplega denguna teunica lesicogafica, ni marcas gramaticals, etc… Con isto no goso dezir que no ye correuto, sino que cal parar una miqueta en o tiempo trascurrito dende allora.

Bi ha que tratar-lo como que ye un alazed d’o estudio de l’aragonés como luenga, que buena onra fa¡¡¡¡ 

Perico lo clamaban os suyos amigos d’Alquezra, Pedro lo clamaban en a suya casa, Don Pedro lo clamaban en a escuela, pero ta nusatros peren estará BOMBOLON SIÑO PEDRO¡¡¡¡

FEBRERO 2024

BOMBOLONA PANZARGÜALA